Print

Dili Tanan by Rommel Tuico

Dili tanang laki gwapo
Dili tanang gwapo laki
Dunay uban ilang dugo birdie
Macho tan-awn nya uyab lalaki

Dili tanang babaye gwapa
Dili tanang gwapa babaye
Dunay uban kanhi lalaki
Nausab kay nagparetoki

Dili tanang buotan musimba
Dili tanang musimba buotan
Dunay uban kay magpagarbo lang
Sa ilang sinina nga bag-ong giutang

Dili tanang corrupt pulitiko
Dili tanang pulitiko corrupt
Naay corrupt tungod's mga tawo
Kay kon way kwarta dili iboto

Dili tanan maoy akung giulohan
Niining kantahang walay tumong ug way padulngan
Ang mga lyrics gibali-bali ug way hinungdan
Busa paghilom, paminaw ug katawa na lang
Oohhh!

Dili tanang rocker long hair
Dili tanang long hair rocker
Dunay uban pa-rocker-rocker lang
Unya diay to way kalibutan

Dili tanan maoy akung giulohan
Niining kantahang walay tumong ug way padulngan
Ang mga lyrics gibali-bali ug way hinungdan baby!
Busa paghilom, paminaw ug katawa na lang
Oohhh!